Историјат за претпријатието
Јавното претпријатие "Комунален сервис" Валандово е основано заради вршење на сите
дејности од јавен интерес на општина Валандово утврдени во Закон за комуналните
дејности и Закон за јавните претпријатија.Основач на јавното претпријатие е Општина
Валандово која ги има сите права и обврски кои произлегуваат од Законот и другите
прописи.
Претпријатието е основано со Решение бр. 2639 од 28.07.1958 година, а како
јавно претпријатие за комунални работи „Комунален сервис" Валандово е основано со
Решение Срег.бр. 2213/89 од 29.12.1989 година во Окружниот Стопански Суд – Скопје.
Исто така извршено е и усогласување на претпријатието со нормите од Законот за јавните
претпријатија со решение број 3012014003743 од Централен регистар на Република Македонија.
Седиштето на претпријатието е на ул.„Ленинова"-број 1- Валандово.